ТАРИХТЫ ТАНУҒА БАҒЫТТАЛҒАН ТЫҢ БАСТАМА

Елбасы Нұрсұлтан Назарбаевтың «Ұлы даланың жеті қыры» атты бағдарламалық мақаласын іске асыру аясында Атыраудағы Назарбаев Зияткерлік мектебі мен «Сарайшық» мемлекеттік тарихи-мәдени музей-қорығы арасында ынтымақтастық жөнінде меморандумға қол қойылды. Меморандум зияткерлік мектептің тарих және әлеуметтік ғылымдар саласында зерттеумен айналысатын шығармашыл жастардың әлеуетін қолдауға, археологиялық-қазба жұмыстарына қызығушылығы бар оқушыларды ынтыландыруды көздейді. Өйткені Назарбаев Зияткерлік мектептерінде «Туған елге тағзым» өлкетану экспедициясы табысты жүзеге асып келеді. Зияткерлік мектеппен серіктестік орнатуға келген музей өкілдері оқушыларға жылжымалы көрме ұсынды.