Конкурстық іріктеу нәтижесі

Құрметті ата-аналар!

 

Алфавиттік тізімдегі «Ескерту*» бағанындағы “жіберілді”, “жіберілмейді” сөздері шекті деңгейден өткен статусын анықтайды.

Конкурстың соңғы нәтижесі және грант тағайындау жөніндегі шешім бөлінген гранттардың шегінде “Өркен” білім беру грантын тағайындау жөніндегі Республикалық комиссия отырысында қабылданады.  

 Назарбаев Зияткерлік мектептерінің 7 сыныптарына оқушыларды іріктеу конкурсының нәтижелері бойынша түсініктеме

 Конкурс нәтижелері бағдарламалық қамтамасыз етуді пайдалану арқылы оқушылардың жауаптарын статистикалық өңдеу әдісімен алынды. Аталған әдіс барлық халықаралық зерттеулерде қолданылады және тестілеудің нәтижелерін объективті және әділ бағалауды қамтамасыз етеді.   

Тесттердің нәтижелерін өңдеу Нидерландыдағы Педагогикалық өлшеулер институтымен (Citо) жүргізілді.

КЕШЕНДІ ТЕСТІЛЕУ бойынша максималды балл – 1300.

  1 күн. Жаратылыстану-математикалық бағыттағы пәндерді меңгеру қабілеттілігін анықтау бойынша тест.

  1. Тарау «Математика» – 400 б.;
  2. Тарау «Сандық сипаттамалар» – 300 б.

 2 күн. ТІЛДІК ТЕСТ.

  1. Қазақ тілі – 200 б.;
  2. Орыс тілі – 200 б.;
  3. Ағылшын тілі – 200 б.

«Өркен» білім беру грантын тағайындау жөніндегі Республикалық комиссияның қарауына келесі үміткерлер жіберіледі:

  • математика бойынша ықтимал ең жоғары балдың 140 және одан да көп балын жинағандар;
  • сандық сипаттамалар бойынша ықтимал ең жоғары балдың 120 және одан да көп балын жинағандар.

ҚР Үкіметінің 2009 жылғы 14 наурыздағы №317 қаулысының 10 тармағына сәйкес (ҚР Үкіметінің 2018 жылғы 23 шілдедегі №450 қаулысымен бекітілген өзгерістер мен толықтыруларды қоса) Республикалық комиссия нақты мектептер бойынша бөлінген гранттардың шегінде келесі тұлғаларға «Өркен» білім беру грантын тағайындайды:

  • кешенді тестілеу бойынша анағұрлым жоғары жалпы балл жинаған үміткерлерге;
  • кешенді тестілеу бойынша жалпы балл саны тең болған жағдайда, математика бойынша неғұрлым жоғары балл жинаған үміткерлерге;
  • үміткерлердің математика бойынша жинаған балы тең болған жағдайда сандық сипаттамалар бойынша неғұрлым жоғары балл жинаған үміткерлерге;
  • сандық сипаттамалар бойынша балл саны тең болған жағдайда конкурсқа құжаттарды тапсыру кезінде оқу үшін таңдаған тілден неғұрлым жоғары балл жинаған үміткерлерге басымдық беріледі.