МЕКТЕП ТАРИХЫ

2010 жылы 1 қыркүйек

Химия-биология бағытындағы Назарбаев Зияткерлік мектебі оқушыларға есігін айқара ашты.

2011 жылы 12 шілде

Халықаралық Бакалавриатта Астана қаласының химия-биология бағытындағы Назарбаев Зияткерлік мектебін авторизациялау туралы шешім қабылданды.

Халықаралық Бакалавриат шеңберінде оқушыларға оқу бейінін таңдауда икемділік берілуіне байланысты химия-биологиялық бейінжазылып, мектеп Астана қаласындағы Назарбаев Зияткерлік мектебі болып өзгертілді.

2011 жылы 21 қыркүйек

«Назарбаев Зияткерлік мектептері» ДББҰ мен Халықаралық Бакалавриат ұйымы арасында өзара түсіністік туралы Меморандумға қол қойылды.

2011 жылы қараша

Астана қаласының Назарбаев Зияткерлік мектебіне дипломдық бағдарламаны

авторизациялау үшін «мектеп-кандидат» мәртебесі берілді.

2013 жылы сәуір айы

Астана қаласының Назарбаев Зияткерлік мектебі дипломдық бағдарламаны

авторизациялаудан сәтті өтіп, Халықаралық Бакалавриаттың Дүниежүзілік мектебі мәртебесіне ие болды. Бұл Халықаралық Бакалавриат бағдарламасы бойынша білім беретін Назарбаев Зияткерлік мектептері желісіндегі жалғыз мектеп.

2013 жылы 2 мамыр

Астана қаласындағы Назарбаев Зияткерлік мектебі Халықаралық Бакалавриаттың орта мектеп бағдарламасы (Middle Years Programme) бойынша мектеп-кандидат мәртебесіне ие болды.

2015 жылы қараша

Астана қаласындағы Назарбаев Зияткерлік мектебі Халықаралық Бакалавриаттың Негізгі мектеп бағдарламасының авторизациясын алды.

2016 жылы маусым

2015 жылы 7 мамырда Астана қаласының Назарбаев Зияткерлік мектебіне сәуір айындағы алдын ала сапарының қорытындысы бойынша Халықаралық Мектептер кеңесін (CIS) аккредиттеуге “мектеп-кандидат” мәртебесі берілді. 2016 жылдың маусым айында Астана қаласындағы Назарбаев Зияткерлік мектебі Халықаралық Мектептер Кеңесінің (CIS) аккредитациясы туралы куәлігін алды.

2019 жылы қыркүйек

Қазақстан Республикасының Президенті Қ.Тоқаевтың 2019 жылғы 23 наурыздағы Жарлығын іске асыру шеңберінде Астана қаласының Назарбаев Зияткерлік мектебі Нұр-Сұлтан қаласының Назарбаев Зияткерлік мектебі болып қайта аталды.

2019 жылы қазан

Астана қаласындағы Назарбаев Зияткерлік мектебі Халықаралық Бакалавриаттың бағалау сапарынан өтті. Талаптарға сәйкес, Халықаралық бакалавриатта авторизацияланған әр мектеп әр 5 жыл сайын бағаланады. Мектептер мектепте іске асырылатын әрбір бағдарламаны жеке бағалаудан өтеді. Айта кету керек, Астана қаласының Назарбаев Зияткерлік мектебі негізгі мектеп бағдарламасы мен жоғары мектеп бағдарламасын бір уақытта бағалаудан өтуге өтінім берді. 2019 жылдың 23 қазанында мектеп бағалау сапарынан сәтті өткені туралы Халықаралық Бакалавриаттың есебін алды.

2021 жылы сәуір

Астана қаласындағы Назарбаев Зияткерлік мектебі Халықаралық Мектептер

Кеңесінің (CIS) виртуалды дайындық бағалау сапарынан өтті.

2023 жылы қазан

Астана қаласындағы Назарбаев Зияткерлік мектебі Халықаралық Бакалавриат пен Халықаралық Мектептер Кеңесінің синхрондалған бағалау сапарынан өтті, оның қорытындысы бойынша мектеп қайта аккредиттеуден сәтті өтті және Халықаралық Бакалавриат мектебінің жоғары мәртебесін растады.