🌱«Аспан» Қазақстан құрама командасы халықаралық CASE-ЮГЕО - 2024 геология чемпионатында жүлделі ІІ орын иеленді

15 желтоқсан күні Казань мен Пермь қалаларында өткен IX халықаралық геологиялық кейстерді шешу чемпионатында мектебіміздің “Жас геолог” клубының құрамындағы Қазақстандық "Аспан" құрама командасы ІІ орынға ие болды.

Сәбит Алибек, Қазиева Сағыныш, Турсунханов Альнур, Рамазанова Фариза, Омуртаев Ерасыл және Қарағандыдағы NIS-тің 10 сынып оқушысы Аманжол Диас геологиялық зерттеу жұмыстарын жүргізіп, ғылым мен техниканың соңғы жетістіктерін практикалық тұрғыда қолдану арқылы терең білімдері мен ғылыми дағдыларын жоғары деңгейде көрсетті.

Өз кезегінде мектеп директоры Асель Бейсембинова оқушыларды және сайысқа дайындаған жетекші Гүлжан Нургалиеваға алғысын білдіріп, арнайы марапаттады.