Тоғызқұмалақ спартакиадасы: екі күміс пен бір қола

Назарбаев Зияткерлік мектептері арасында өткен тоғызқұмалақтан желілік спартакиадада Қызылорда қаласындағы NIS оқушылары жеңіс тұғырынан көрінді.

Қыздар арасында Бинұр Мұхамеджан және ұлдар арасында Азамат Алтынбеков екінші орын иеленсе, 7-9 сыныптар арасында Ақберен Бақберген үшінші орынмен марапатталды. Командалық есепте де оқушыларымыз екі үшінші орынды қанжығаларына байлады.

«Тоғызқұмалақ — жай ғана ойын емес. Ол логикалық ойлауды дамытып, зейін қоюды және стратегиялық жоспарлауды үйретеді. Ежелде ата-бабаларымыз тоғызқұмалақты математикалық есептерді шығаруға қолданған. Бұл — ұрпақтан-ұрпаққа жалғасып келе жатқан бай мұра», — деп өз ойын жеткізді Азамат.