Желтоқсан ардагерлерімен кездесу өтті

Ақтөбедегі Назарбаев Зияткерлік мектебінде Ел Тәуелсіздігі қарсаңында «Желтоқсан алауы – Тәуелсіздік бастауы» атты шара өтті. Кездесудің құрметті қонақтары ретінде Ақтөбе облыстық «Желтоқсан алауы» қоғамдық бірлестігінің төрайымы, желтоқсан ардагері Жанар Омар мен Зинаида Казбанова шақырылды.

Кездесу барысында зияткерлер Желтоқсан оқиғасының тарихи мәніне үңіліп, ардагерлердің естеліктерін тыңдады. Оқушылар Желтоқсан көтерілісінің бүгінгі ұрпақ үшін мән-маңызын сұрақ-жауап, жыр-өлеңдер арқылы жеткізді.

Өз кезегінде ардагерлер мектептегі тәрбие мен білім берудің қатар жүргізіліп жатқанына ризашылықтарын білдірді.