Ақтөбедегі NIS-те Қазақстандағы ең ауқымды MUN конференциясы өтті

Ақтөбедегі Назарбаев Зияткерлік мектебінде ауқымды MUN конференциясы өтті. Біріккен Ұлттар Ұйымы моделінің дәстүрлі аймақтық конференциясына Қазақстанның түкпір-түкпірінен 220-дан аса қатысушы жиылды.

Жиынға еліміздің 7 қаласынан (Ақтөбе, Атырау, Ақтау, Орал, Алматы, Шымкент және Түркістан) 163 делегат қатысты.

7 комитеттен тұратын оффлайн конференцияда ресми өкілдер өзекті жаһандық мәселелерді талқылап, ресми пікірталастар және келіссөздер жүргізді. Әр делегат өз елінің мүддесін қорғап, басқа делегаттармен бірлесе отырып, мәселенің түпкі шешу жолдарын ұсынды.

Конференция мақсаты - болашақ дипломаттар мен көшбасшыларды қалыптастыру. Конференция ұйымдастырушылары - Ақтөбе қаласындағы Назарбаев Зияткерлік мектебінің 12-сынып оқушылары, MUN клубының мүшелері.

Шара соңында барлық қатысушылар мақтау қағаздары және номинациялармен марапатталды.